Ajo është padiskutim një nga këngëtaret më të dashura shqiptare. Ledina Çelo, biondja sharmante e skenës sonë, që prej vitesh banon dhe ushtron profesionin e saj në Gjermani, do t’i bashkëngjitet sot faqeve të “Bluetooth” me lajme shumë të mira. Kënga e saj “Can you touch me baby”, është klasifikuar në toplistat gjermane këtë javë, dhe në një pozicion mjaft të favorshëm madje.
Site www.deutsche-dj-playlist.de, e ka renditur Ledinën, nisur nga dëgjimet dhe votat e publikut, të 47-ën ndër 100 këngë që janë bërë pjesë e këtij klasifikimi. Ledina ka lënë pas emra të mëdhenj të muzikës botërore si Madonna, e cila është renditur e 50- ta me këngën “Girl Gone Wild”.
Siç mësohet, Ledina shumë shpejt do të jetë në Tiranë, për të vënë në jetë projekte muzikore, të cilat ia ka premtuar më herët publikut të saj të zemrës.
.jpg)
